Vitoria do Compos para asaltar os postos de playoff

O Vero Boquete acollía unha nova xornada da 2ºRFEF. Comezou impreciso o encontro. O Compos dominaba con balón e empezaba a chegar timidamente. O Covadonga prefería repregar e intentar aproveitar as imprecisións dos galegos. A primeira parte non tivo moitas ocasións, a máis destacable un balón filtrado que Samu, extremo do Covadonga, non foi quen de concretar. Os de Michel protestaron un gol anulado. O árbitro sinalou fóra de xogo tras un moi bo pase filtrado de Samu para Juampa Barros. Deixa dúbidas a acción. 

Trocou a situación na segunda. Antes do primeiro minuto, xa chegou o gol galego. Escoruela recibiu o balón en banda, puxo un centro deses que doen, entre porteiro e defensa. Alí apareceu Parapar para empurrar o balón e facer o 1-0. Escoruela, quen debutaba, deixou moi boas sensación e tivo a oportunidade de facer gol. Sorteou a dous rivais e pegou forte coa dereita, rexeitou Buru. Pouco despois chegou o segundo. Moi parecido ao primeiro. Esta vez foi o centro de Juampa Barros e o rematador Manu Barreiro. Centro desde a esquerda e remate no punto de penalti. Manu Barreiro conseguía o seu décimo gol na liga. Controlou, desde este momento, o partido o equipo de Michel. O xuvenil Baña, que debutaba como titular deixando moi boas sensacións, empezou a controlar o centro do campo deixando escintileos da súa calidade. O Covadonga tivo a opción de recortar distancias despois dun erro da defensa compostelá. Ariel quedou diante de Pato, pero este achicou e resolveu a acción.