Xa está montado e aberto o belén xigante de Viveiro
Xa está montado e aberto o belén xigante de Viveiro
Conta con máis de cen figuras a tamaño natural
Atópase na Igrexa de Santa María
Máis de cen figuras a tamaño natural e milleiros de pezas, apeiros e elementos decorativos compoñen este ano o belén xigante de Viveiro.
A volta á normalidade logo da pandemia motivou as seis persoas que participan na súa elaboración para poñer todo o esforzo en facelo o mellor posible.
O resultado, como mínimo, encheu o lugar na inauguración.
O belén xurdiu como un reclamo comercial a iniciativa dos negocios da zona pero en poucos anos xa se converteu en todo un referente do Nadal en Galicia.
Ata o 8 de xaneiro serán milleiros as persoas chegadas de todas partes que acudan ver os reis, o nacemento, as estrelas e tamén os oficios e tradicións da comarca da Mariña.
O que non encaixa nestes días é a falta do neno Xesús. Ten unha explicación lóxica: non se vai colocar ata o día 25.
