Xi Jinping e Antony Blinken dialogan en Pequín para tentar normalizar as relacións
Xi Jinping e Antony Blinken dialogan en Pequín para tentar normalizar as relacións
"As relacións entre estados deben estar baseadas no respecto mutuo", asegura o presidente chinés
![](https://img-g24-crtvg.flumotion.com/prog24/2023/20230619/xi-blinken-china-eua-190623.png)
O presidente chinés, Xi Jinping, recibiu este luns en Pequín o secretario de Estado dos Estados Unidos, Antony Blinken, un encontro que axuda a normalizar as relacións diplomáticas entre as superpotencias tras un período de tensións que as levaron ao seu punto máis baixo en décadas.
O encontro entre Xi e Blinken, que non formaba parte da axenda oficial da viaxe do xefe da diplomacia estadounidense e foi confirmado por ambas as partes no último momento.
Ao comezo do encontro, e ante os medios de comunicación, o tamén secretario xeral do Partido Comunista de China (PCCh) traladoulle a Blinken que as interaccións entre estados "deben basearse sempre no respecto mutuo e a sinceridade".
Con todo Xi Jingping destacou que ten a "esperanza" de que a visita poida "facer contribucións positivas para estabilizar as relacións entre A China e os Estados Unidos".