A Xunta e o sector eólico urxen resolver a parálise pola suspensión de proxectos

Europa segue lonxe dos obxectivos de loita contra o cambio climático. Precisa 30.000 megawatts ao ano de renovables, e instala practicamente a metade. Con todo, hai quen aproveita o momento. Alemaña, por exemplo, pasou de permitir mil a dez mil megawatts ao ano. Apoia decisións de descarbonización na lexislación europea.

José Luis Blanco, presidente da Asociación Eólica Europea, di que "o problema de saúde pública e de seguridade nacional é prioritario sobre calquera outra cousa. Iso non impide que os lexítimos intereses de opoñerse sexan garantidos, pero priorizando o facer en lugar do parar. Iso é o que está pasando en Europa. Desafortunadamente non é o que acontece en Galicia".

O sector advirte da inseguridade xurídica e teme que medre coa obriga de repotenciar os parques de más de 20 anos, como propón a Xunta. Piden traballar en solucións fóra do ámbito xudicial.

Cristina Pedrosa, avogada da Asociación Eólica de Galicia, defende que "a parálise do sector afecta a todo o territorio. A actividade das auxiliares, ao emprego, e tamén ao sociedade, porque a descarbonización tamén é protección de saúde".

Galicia ten 70  parques paralizados cautelarmente polo Tribunal Superior de Xustiza de Galicia e cen recorridos. Canda o Goberno central, Galicia acaba de presentarse na cuestión prexudicial proposta no Tribunal de Xustiza da Unión Europea.

A conselleira de Medio Ambiente e Cambio Climático, Ánxeles Vázquez, concreta que "defende que aplicamos rigorosamente a normativa estatal e as directrices comunitarias desde o ano 2013".

Temen o desvío de investimentos a outras zonas de España. Galicia foi líder en potencial eólico. Agora ocupa o cuarto posto.