Tres detidos por agredir participantes nas protestas contra a amnistía na Coruña
Tres detidos por agredir participantes nas protestas contra a amnistía na Coruña
Dous dos arrestados forman parte do grupo ultra Riazor Blues
Atacaron manifestantes que decidiron levar as protestas ante a sede do PSOE da cidade
Protesta deste domingo nos xardíns de Méndez Núñez da Coruña (EFE/ Moncho Fuentes)
A Policía Nacional detivo tres persoas por unha agresión por “cuestións ideolóxicas” na Coruña. Sucedeu na praza de San Nicolás, tras a concentración que congregou milleiros de persoas nos xardíns de Méndez Núñez contra a amnistía e os pactos de investidura de Pedro Sánchez.
Un grupo de manifestantes levara a protesta ante a sede do PSOE da cidade. Foi daquela cando os tres detidos presuntamente agrediron persoas que participaron nesta última protesta. Un deles empregou unha cadeira para golpear na cabeza un dos manifestantes.
Dous dos arrestados pertencen aos Riazor Blues, afeccionados de extrema esquerda do Deportivo. O terceiro detido é de Ponferrada.
