Na feira do poldro de Muras xuntáronse máis de cincocentos cabalos de monte
Na feira do poldro de Muras xuntáronse máis de cincocentos cabalos de monte
Nesta ocasión non houbo presencia de gando vacún, por mor enfermidade hemorráxica epizoótica e pola lingua azul
A cita, que celebra a súa 36 edición, está recoñecida como festa de interese turístico galego
No concello de Muras o protagonista foi este domingo o poldro. Centos de persoas participaron nunha festa declarada de interese turístico galego que enxalza a tradición da gandería extensiva e que promociona a carne deste animal.
Os cabalos que participan na feira pasan o ano ceibos no monte. No alto da Gañidoira, ao pé da estrada e en plena serra do Xistral, reúnense preto de cincocentos cabalos.
Desta volta non hai vacas, como medida preventiva ante a presencia da enfermidade hemorráxica epizoótica e pola lingua azul. Con todo, o evento que celebra a súa 36 edición continúa sendo unha referencia.
