Artur Trillo: "Os pais temos unha consideración de nós mesmos máis nobre ca a realidade"

A pelexa de dous nenos nun parque leva dous matrimonios a reunírense para falar civilizadamente da conduta dos seus fillos. O que empeza como unha conversa tranquila remata nun caos violento. Un Deus salvaxe é a nova obra de Talía Teatro. Nace dun éxito da dramaturga francesa Yasmina Reza que se publicou no 2007, estreouse en París no 2008 e despois Roman Polanski levou ao cine no 2011. Neste 25, Talía tráeo a Galicia e ao galego.