Kike García: "Buscabamos a vitoria polo seu valor psicolóxico"

Hai un ano competían en Liga Galega e hoxe xa gañan na máxima categoría do waterpolo feminino nacional. O C. W. Pontevedra conseguiu este sábado o primeiro triunfo na elite tras o partido disputado ante o Mallorca na piscina da Escola Naval de Marín. Así analizaba o partido o técnico Kike García:

"Non foi o mellor partido, pero buscabamos o resultado polo valor psicolóxico despois dos últimos resultados. Estamos nunha liga moi igualada e hai que sufrir ata o final. Este ano un dos obxectivos era adaptarnos á categoría nova. Isto segue, a semana que vén hai outro partido e cada xornada será unha final".