Como ensinarlles galego ás máquinas

O proxecto falAI está recollendo voces en galego para xerar ferramentas de interacción dixital na nosa lingua.

Trátase de que o maior número posible de persoas lean trinta frases a través da plataforma falai.balidea.com, para contribuíren a que os sistemas de recoñecemento por voz comprendan o noso idioma.

O centro de investigación atlanTTic e a empresa Balidea colaboran nesta iniciativa, creada no marco do proxecto europeo pola igualdade lingüística ELE. 

Laura Docío Fernández, investigadora principal do proxecto na Uvigo, e Mari Carmen López, responsable da área de I+D+i de Balidea explicaron o proxecto no Diario cultural da Radio Galega.