"Entra e axúdanos a resistir", a mensaxe do dono dun bar de Ourense oculto polos andamios

Agochado tras unhas estadas dende hai semanas mantén abertas as súas portas o bar 1008. Tras facerlle fronte a sete meses de obras na rúa Celso Emilio Ferreiro, agora o local vese afectado pola reforma da fachada do edificio.

O seu dono, Jorge Alejandro Méndez, advirte de que se trata dun establecemento pequeno e ao non poder ter terraza, especialmente nesta época, a clientela foi a menos. 

E para intentar reverter esta situación decidiu facer unha chamada á clientela colocando unha lona de grandes dimensións na que os insta a entrar para axudalos a resistir. Unha mensaxe que tivo eco.