Jesús Castro Yáñez: "Non concibo o binomio entre poesía intimista e social, os meus versos tentan verterse cara ao mundo"
Jesús Castro Yáñez: "Non concibo o binomio entre poesía intimista e social, os meus versos tentan verterse cara ao mundo"
Outroutro, publicado por Chan da Pólvora, é o novo poemario do autor tras oito anos sen publicar poesía
Yáñez quería un libro cos mínimos vínculos persoais, un libro asociativo, fóra do autor e fóra do propio libro, pero dentro do mundo
Outroutro constrúese cunha mirada que esvara sobre feitos cotiáns como se fosen constelacións de significado comunal
No mesado na cociña abres un limón ao medio e entón sucede. Érguese un círculo de voces -mira como puxeches todo- que clama: que faremos agora con tanta luz?. Son versos que Jesús Castro Yáñez escribe seu novo poemario: 'Outrooutro'.
Di o autor que o libro foise escribindo aos poucos, en moitas casas e lugares, en moitos papeis e pantallas, foi cambiando, fíxose outro, e que tamén el polo camiño outro, outroutro. Tamén di na contracapa que quería que o seu libro fose textura máis que texto. Jesús Castro Yáñez constrúe o seu novo poemario cunha mirada que se despraza sobre feitos cotiás, o silencio, a acción inmóbil ou a modestia dos instante íntimos. Como nun intento de aprender a nomealo todo.
