Mar Caldas: "A ética republicana do traballo sempre estivo presente na miña familia"
A mostra abre unha fenda conceptual no construto neoliberal e patriarcal que lle deu unha escasa consideración ao traballo das mulleres
Caldas acude a mecanismos conceptuais como a arte feministas, a posmemoria ou o documental autoetnográfico
'Mulleres, traballo e memoria', Centro Galego de Arte Contemporánea ata o 25 de maio
"Cando era pequena irritábame poñer a profesión de miña nai na ficha do colexio. Ela dicíame: pon os seus labores. Ese impreciso termo deconcertábame".
O traballo das mulleres, a súa escasa consideración, sitúase no centro da proposta que a artista Mar Caldas expón no Centro Galego de Arte Contemporánea: 'Mulleres, traballo e memoria'. A partir da fotografía e a investigación, pon o foco no traballo das mulleres e na denuncia da súa escasa consideración no pasado e no presente.
