'Mesura', de Raquel Ferradás: bailarlle á ansiedade que produce a espera

A vida fala e estamos en constante cambio, na busca do equilibrio, Mesura báilalle á espera en diferentes momentos da vida. Hai que saber convivir coa espera para ver o mundo aos ollos. É o novo espectáculo da bailarina e coreógrafa Raquel Ferradás que se estrea o domingo no Festival Escora. 

É un espectáculo creado a través do programa Da Man, un proxecto de acompañamento artístico a emerxentes en danza de AMARELO Distribución Escénica e Manu Lago. Raquel foi a artista seleccionada nesta primeira edición tras convocatoria pública a través do Centro Coreográfico Galego.