Santiago Cortegoso: "O texto de Reconversión é un exercicio de memoria histórica"

A reconversión naval no Morrazo a ritmo de charanga. Isto é o que propón Ibuprofeno Teatro na súa última obra que se estrea mañá na Coruña. O autor e director do espectáculo, Santiago Cortegoso, fai un exercicio de memoria histórica guiado pola súa propia biografía e cunha posta en escena que sorprende pola súa vitalidade.

Oito actores músicos interpretan a banda sonora en directo formando unha charanga e dando vida aos protagonistas daqueles anos da dura Reconversión.