'Travelin': suspense nos anos da movida compostelá

Santiago de Compostela, anos oitenta, un suceso relacionado co mundo da droga e un inspector de policía percorrendo a cidade en busca de pistas para solucionalo caso. E todo narrado como se seguísemos o movemento dunha cámara de televisión.

Falamos da novela Travelin gañadora da última edición do Premio Manuel Lueiro Rey de novela curta que xa está nas librerías publicada pola editorial Xerais. O seu autor, o ribeirense Antonio Piñeiro, achéganos as claves da súa narración.