Douscentos militares compiten no concurso de patrullas da BRILAT

Cargados coa mochila ao lombo e co armamento, non baixan o paso. Máis de 200 militares participan este ano no Concurso de Patrullas, que suma xa 22 edicións. O obxectivo: chegar os primeiros a Santiago.

Teñen que percorrer 120 quilómetros polo Camiño Portugués. E ademais deberán superar varias probas para demostrar as súas habilidades malia o cansazo. Desta vez participan tres patrullas estranxeiras, de Portugal, Reino Unido e Francia.

Durante o percorrido, os participantes deberán pasar un recoñecemento médico para garantir a seguridade, e máis nunha xornada en que deberán soportar altas temperaturas.