Cargando resultados...
A chuvia caída provoca a derruba parcial dunha capela en Boborás
A chuvia caída provoca a derruba parcial dunha capela en Boborás
O Concello xa anunciou que, xunto co cura, buscarán os fondos necesarios para rehabilitala
![](https://img-g24-crtvg.flumotion.com/prog24/2023/20231031/capelaboboras.png)
G24.gal
31/10/2023 12:28
A chuvia está causando estragos tamén no patrimonio. No concello ourensán de Boborás derrubouse parte da capela de San Roque, en Pazos de Arenteiro. Veciños, cura e a propia alcaldesa puxeron a salvo os santos.
Técnicos do Concello traballaban esta mañá para apuntalar a estrutura da capela nun intento por evitar que o conxunto se derrube. A capela de San Roque, de orixe medieval, ten un gran valor sentimental para os veciños de Pazos de Arenteiro. O Concello xa anunciou que, xunto co cura, buscarán os fondos necesarios para rehabilitala.