A colonia galega da Cultural destrúe o Lugo no Anxo Carro (1-4)

A colonia galega da Cultural Leonesa estivo moi inspirada e o líder goleou o Lugo no Anxo Carro. Manu Justo, Kevin Presa e Luis Chacón (2) marcaron os goles dun equipo que foi moi superior a un cadro lucense que sumou a cuarta derrota consecutiva. Non lle funcionou nin o troco de porteiro -Cacharrón ocupou o posto de titular- nin o empate conseguido por Guille Perero xusto antes do descanso.