A debilidade de Europa baixa os xuros, por Venancio Salcines

O Banco Central Europeo baixa xuros, a terceira no que vai de ano, e faino de forma decidida. A inflación parece seguir o camiño axeitado e, por tanto, toca soltar o freo da man da política monetaria. Aínda que España, con niveis moi aceptables de crecemento, non miraba un día si e outro tamén para o BCE, é bo recoñecer que no resto de Europa tiñan unha maior preocupación.

Alemaña non consegue levantar o voo e bordea a recesión, en Francia reina o pesimismo económico e Italia segue un camiño similar, con dificultades serias para acadar o obxectivo anual de crecemento.

Os tres grandes non conseguen quentar as súas economías e, polo tanto, en boa lóxica o pulo da demanda, manifestado a través da inflación, é feble. Se medra pouco, crecen con timidez os prezos. Ante este escenario o natural era unha baixada dos xuros do Banco Central, e así foi, e non será a última, veremos máis e veremos, para ledicia dos investidores, o Euribor seguir baixando.