A decoración dun Nadal diferente atrae centos de visitantes a Allariz

E xa vai quedando menos para o Nadal e un ano máis Allariz convértese nun dos lugares imprescindibles para visitar nestas datas.  As súas decoracións artesanais e ecolóxicas están a encher as rúas da vila de visitantes que gozan das pequenas construcións, da neve ou das casas dos gnomos, que gustan non só aos máis pequenos. 

Moita xente animouse a pasar a tarde do domingo paseando por Allariz para ver a súa decoración do Nadal diferente.

"Adoitamos vir nestas datas, gústanos moito dar unha volta coa rapaza e ver a aldea, que está moi bonita".

"Si que é certo que é a primeira vez que veño ver a decoración e está superbonito e tamén é decoración sostible".

Todo se pode reciclar e reutilizar. Destacan materiais como a madeira e evitan os plásticos para construír os once escenarios diferentes.

"As casas están moi ben feitas".

"Está todo moi ben feito, o que levan por dentro e todo".

"As luces, está todo moi bonito".

Pista de patinaxe, neve, figuras e a casa dos gnomos, unha das novidades deste ano que máis gustou á rapazada.

"As casas das árbores e toda a decoración que ten dentro".

"Gustoume moito a zona do río".

"O que é a lareira, típica de Galicia, está todo moi bonito, hai varios recunchos bonitos".

Os pequenos e tamén os maiores non pararon de fotografarse coas decoracións. Xente de toda Galicia marcha sorprendida coa beleza do Nadal allaricense.

"Vimos de Vigo e estamos dando un paseo cos nenos e isto está todo moi bonito".

"Sabes que co tema das luces Vigo está un pouco máis iluminado, pero Allariz está precioso, podes vir cos nenos, está moi bonito. Ten un percorrido para facer con dez puntos de parada e é impresionante. Recomendámolo".