A EMA dá luz verde á comercialización da primeira vacina contra a enfermidade epizoótica do ganado vacún
A EMA dá luz verde á comercialización da primeira vacina contra a enfermidade epizoótica do ganado vacún
A vacina do grupo galego Zendal protexerá o gando dos brotes, asegurando a saúde animal, e evitará perdas económicas
É pioneira no mercado e única na súa capacidade para previr /Foto de arquivo/Europa Press
O Comité de Medicamentos Veterinarios (CVMP) da Axencia Europea de Medicamentos (EMA) emitiu a recomendación positiva para a autorización da comercialización da vacina do grupo biotecnolóxico Zendal para a prevención da enfermidade epizoótica (EHE) do gando vacún causada polo serotipo 8 do virus.
Zendal, con sede no Porriño, sinala nun comunicado que esta "recomendación por consenso marca un fito fundamental no proceso regulador" da vacina, que é "pioneira no mercado e única na súa capacidade para previr a viremia provocada polo serotipo 8 do virus da EHE no gando vacún".
O grupo biotecnolóxico lembra que o virus da EHE, que afecta a ruminantes domésticos e salvaxes, foi detectado por primeira vez no suroeste de España en novembro de 2022.
Ante a rápida expansión da enfermidade, o Ministerio de Agricultura, Pesca e Alimentación solicitou a Zendal o desenvolvemento "prioritario dunha solución eficaz".
En xullo do ano pasado, o grupo recibiu unha autorización temporal de uso por parte da Axencia Española de Medicamentos e Produtos Sanitarios (AEMPS) para a nova vacina, primeira no mercado.
Hepizovac é comercializada en España e Portugal por Vetia Animal Health, filial do grupo Zendal especializada en sanidade animal.
