A feira do primeiro de ano abre o calendario de 2024 en Betanzos
A feira do primeiro de ano abre o calendario de 2024 en Betanzos
As zapatillas e os produtos da horta foron os máis vendidos do día
Betanzos esperta cada primeiro de ano cunha das feiras máis animadas do calendario. Os primeiros en chegar, os que prolongan a noite de festa.
Pero para todo hai remedio. E que mellor que mercar unhas zapatillas tras moitas horas de troula. "Agora pode ir tomar os churros tranquilo e non soportar estes tacóns".
E é que é un dos negocios da feira. Este ano o par de zapatillas andaba entre os sete e os nove euros. "Subiron. Nótase a inflación. Son sete euros e antes custaban cinco. Pero para unha comodidade nos pés non ha nada mellor".
Calor para os pés e para o corpo. Hai quen levaba o frío pegado nos ósos. "Estanos ben por non vir abrigadas. Pero vin a bata e collina".
Canda os que volven da festa hai quen madruga para revolver entre a mercadoría e levar algo para a casa.
E quen aproveita para repoñer a despensa despois dunha semana de festas.
E a tradición manda tamén que o Galicia Noticias non falte nesta primeira feira do ano. "Por fin. Tantos anos vindo e nunca na tele saímos. Ía sendo hora. Agradecidos de todo corazón".
Agradecidos tamén de comezar o ano cun público tan fiel. "De hoxe nun ano. Viva Betanzos".
