A sinatura de hipotecas cae un 22 % en xuño e os tipos soben máis dun punto, ata o 3,19 %

A sinatura de novas hipotecas para a compra dunha vivenda afundiuse en xuño un 21,9 % en taxa interanual, á vez que o tipo de interese medio escalou 1,37 puntos respecto a un ano antes, para situarse no 3,19 %.

Segundo os datos difundidos este xoves polo Instituto Nacional de Estatística (INE), o 40 % das hipotecas sobre vivendas que se asinaron en xuño foron a tipo variable, arrincando o tipo de interese desde o 2,84 %, e o 60 % restante a tipo fixo, cunha media se situou no 3,45 %.

En xuño asináronse un total de 11.176 hipotecas para cambiar as condicións rexistradas nos rexistros de propiedade, o que supón un descenso do 24,9 % respecto a as de xuño de 2022. 

En Galicia cae un 17,3 % en xuño

En Galicia caeu en xuño un 17,3 % na taxa interanual. Segundo os datos difundidos este xoves polo Instituto Nacional de Estatística (INE), o número de hipotecas constituídas sobre vivendas en Galicia é de 1.112, un 17,3 % menos que en xuño do ano pasado, mentres que o capital prestado alcanza os 119.585 millóns de euros, un 18,9 % menos que en 2022, pero incrementouse con respecto ao mes pasado, un 12,9 %.

A nivel nacional, a sinatura de novas hipotecas para a compra dunha vivenda -un total de 33.478- afundiuse en xuño un 21,9 % en taxa interanual, á vez que o tipo de xuro medio escalou 1,37 puntos respecto a un ano antes, para situarse no 3,19 %.

En Galicia, ademais, constituíronse 1.550 hipotecas sobre leiras rústicas e urbanas, cun capital de 177.048 millóns de euros.

As comunidades con maior número de hipotecas constituídas sobre vivendas en xuño son Andalucía (7.043), Comunidade de Madrid (5.675) e Cataluña (5.336).