A Fiscalía Xeral do Estado pon freo á rebaixa de penas por delitos sexuais
A Fiscalía Xeral do Estado pon freo á rebaixa de penas por delitos sexuais
Non se revisarán sentenzas se a pena que se impuxo segue vixente na franxa que fixa o Código penal para cada delito tras o cambio legal
Dereitos Sociais nega que maltratar a mascota estea máis penado ca maltratar a propia parella
O fiscal xeral do Estado, Álvaro García Ortiz, ditou un decreto en que unifica criterios de actuación ante a Lei do só si é si.
A fiscalía que establece que non se revisarán sentenzas se a pena que se impuxo segue vixente no abano que fixa o Código Penal para cada delito tras o cambio legal.
É dicir, con este decreto redúcense os supostos nos que os fiscais apoiarán unha rebaixa da condena inicialmente imposta aos agresores sexuais.
O movemento do Ministerio Público ten lugar despois da entrada en vigor da Lei Orgánica de Garantía Integral de Liberdade Sexual, o pasado 7 de outubro. Unha norma que levou xuíces e tribunais a revisar numerosas condenas por abuso sexual, rebaixando máis dunha decena de penas e excarcerando cinco agresores sexuais.
O fiscal aplica o criterio establecido na disposición transitoria quinta do Código penal desde 1995 que establece que cando a pena imposta "sexa tamén impoñible" conforme a nova norma, é dicir, entre dentro do abano de penas contemplada, non ten por que revisarse.
O castigo mínimo por unha agresión sexual baixou de seis a catro anos de prisión, de modo que a aquel que fose condenado a seis anos de prisión non quedará máis remedio que rebaixarlle a pena, por ser a mínima, pero, por exemplo, a quen se lle impuxo unha de sete ou oito anos de prisión non tería que revisárselle.
Expón que, aínda que a Lei do só si é si non conteña unha disposición transitoria, é de aplicación a establecida no Código Penal de 1995 "por constituír un criterio interpretativo plenamente consolidado". "As posibles lagoas interpretativas, a falta dunha interpretación auténtica, serán suplidas conforme aos criterios lóxico, histórico e sistemático da norma", expón.
Ademais, de acordo co decreto, os fiscais opoñeranse á revisións á baixa en casos que a nova lei expón de "menor entidade" sempre que o responsable do delito empregase "violencia ou intimidación" para cometelo.
O fiscal xeral publicará proximamente unha circular máis extensa sobre este caso e faino no sentido que reclamaban as responsables do Ministerio de Igualdade cando comezaron a ditarse sentenzas que rebaixaban a pena a agresores sexuais.
Igualdade celebra a decisión da Fiscalía
A ministra de Igualdade, Irene Montero, celebrou este luns a decisión da Fiscalía de reducir os supostos nos que os fiscais apoiarán unha rebaixa de pena por delitos sexuais tras a entrada en vigor da lei do só si é si.
"A FXE unifica criterios para aplicar adecuadamente a lei só si é si", sinalou Montero na súa conta de Twitter, onde asegurou que a posición do Ministerio Público "reafirma a xurisprudencia consolidada".
"A Lei só si é si é sólida e serve para protexer os dereitos das mulleres", reivindicou a ministra, que a semana pasa tivo que enfrontar duras críticas pola rebaixa de penas a algúns agresores sexuais condenados tras a entrada en vigor da Lei de garantía integral de liberdade sexual.
La FGE unifica criterios para aplicar adecuadamente la Ley Solo sí es sí. Reafirma la jurisprudencia consolidada, revisión sin automatismos y observando el Código Penal completo. La Ley Solo sí es sí es sólida y sirve para proteger los derechos de las mujeres
— Irene Montero (@IreneMontero) November 21, 2022
"A ver debaixo de que pedra se agochan agora os que levan unha semana de cacería contra Montero", aseverou o voceiro do grupo parlamentario de Unidas Podemos, Pablo Echenique, segundo o cal a Fiscalía "di o mesmo sobre a non rebaixa de penas" que o Código penal, a Audiencia Provincial da Rioxa e Igualdade.
La fiscalía dice lo mismo sobre la NO rebaja de penas que la vigente DT 5 del CP, la Audiencia Provincial de La Rioja y el Ministerio de Igualdad.
— Pablo Echenique (@PabloEchenique) November 21, 2022
A ver debajo de qué piedra se esconden ahora los que llevan una semana de cacería contra @IreneMontero.
➡️ https://t.co/9GBLsYmisb pic.twitter.com/Cf2eh5lwnc
Este luns o fiscal xeral do Estado, Álvaro García Ortiz, ditou un decreto en que unifica criterios de actuación ante a norma, en que establece que non se revisarán sentenzas se a pena que se impuxo segue vixente na franxa que fixa o Código penal para cada delito tras o cambio legal.
