A Fonsagrada festexa o Gordo, que deixa 180 millóns moi repartidos

Chuvia de millóns a que repartiu a administración número 1 da Fonsagrada. 180 millóns que se supón que van estar moi repartidos, porque foron vendidos, décimo a décimo, no propio despacho. Moitos afortunados, entón, entre os algo menos de 3.500 veciños do concello.

Suponse que algo tamén marchou para Asturias, porque A Fonsagrada linda con esta comunidade e son moitos os asturianos que a fin de semana se achegan para comer os famosos cocidos e botelos da montaña luguesa.

É un día para a historia na Fonsagrada. Para os que trouxeron a sorte, para os agraciados e para todo os veciños.

Ás once e vinte e un minutos da mañá caía a bóla que leva a fortuna a este concello da montaña luguesa. Unha explosión de xúbilo, como non podía ser doutro xeito, nesta localidade de menos de 3.500 habitantes.

Esta mesma administración xa vendeu no 2019 o segundo premio do sorteo de Nadal. Hai tres anos repartira un millón douscentos cincuenta mil euros. Unha fortuna case insignificante cos 180 millóns que repartiu este xoves.