A fragata Blas de Lezo regresa a Ferrol tras unha misión de tres meses
A fragata Blas de Lezo regresa a Ferrol tras unha misión de tres meses
Realizou exercicios de adestramento da OTAN dentro do Grupo de Combate Expedicionario Dédalo
Foron algo máis de tres meses de misión en augas do Mediterráneo e do Atlántico. A fragata Blas de Lezo regresou a Ferrol tras participar en diversos exercicios de adestramento da OTAN dentro do Grupo de Combate Expedicionario Dédalo.
A tripulación foi recibida con moita emoción na estación naval da Graña, nun acto presidido polo Capitán de Navío Jesús Viñas Barciela. A Blas de Lezo formaba parte dun grupo integrado pola fragata Raíña Sofía, o buque de asalto Juan Carlos I e o anfibio Galicia.
Nestes cen días realizaron manobras fronte ás costas de Grecia, Turquía e Italia. A última despregadura foi no mar Báltico, unha área que gañou importancia estratéxica tras a invasión rusa de Ucraína. Os exercicios incluíron varridos de minas mariñas e de detección de submarinos.
