A Fundación Barrié acolle unha exposición sobre a mitoloxía no Barroco veneciano

A sede coruñesa da Fundación Barrié acolle desde este venres e ata o próximo 14 de xullo unha exposición sobre a mitoloxía no barroco veneciano.

Son 34 pinturas e 18 libros datados entre os séculos dezaseis e dezaoito que forman parte da colección da Fundación Querini Stampalia de Venecia.

Na selección de obras desprazada ata A Coruña destacan pinturas de grandes mestres italianos como Tintoretto, Luca Giordano ou Sebastiano Ricci.