A Gran Feira do Fogar volve á Coruña tras o parón da pandemia

Hoxe abriu as súas portas na Coruña a Gran Feira do Fogar. No 2020 tivera que se suspender dous días antes da inauguración por mor da pandemia. 

Para cociña ou para o cuarto. De descanso ou de limpeza. Calquera produto que se precise no fogar pode atoparse aquí.

O sector do fogar experimentou unha repunta tras o confinamento grazas ao aumento das reformas en vivendas.

Eventos como esta feira supón para os empresarios e autónomos do sector un pulo importante na reactivación da súa actividade.

Amais de poñer a punto o fogar, na feira da Coruña tamén hai produtos para o coidado da imaxe persoal. A feira do fogar permanecerá aberta ata o domingo nas instalacións de ExpoCoruña.