A Japan Weekend cita na Coruña os amantes da cultura pop xaponesa

O maior evento da cultura pop xaponesa de España regresou á Coruña. A Japan Weekend, que resultou todo un éxito na súa edición de marzo, reuniu os amantes do manga e do anime no recinto de Expocoruña.

A programación deixou unha fin de semana repleta de actividades: actuacións, charlas, concursos, conferencias, talleres, teatro e, por suposto, moitos disfraces.

A feira congregou artistas e creadores. Entre os convidados, estiveron a cosplayer Andivi, a cantante Ladybear e os actores de dobraxe Gonzalo Faílde e Montserrat Davila.