A Lei de benestar animal prevé multas para quen deixe sós a cans ou gatos
A Lei de benestar animal prevé multas para quen deixe sós a cans ou gatos
Polo momento non é obrigatorio o curso de formación nin ter un seguro se o can non é de raza potencialmente perigosa
Os donos de animais velenosos ou exóticos teñen que comunicalo nun prazo de seis meses
Coa entrada en vigor da lei de benestar animal as mascotas xa poden acceder aos establecementos públicos. A non ser que na porta teñan unha prohibición expresa.
A lei pretende evitar o abandono e o maltrato. Por iso, non se poderán deixar sós os cans máis dun día, nin os gatos máis de tres. E tampouco se poden mercar determinados animais velenosos ou exóticos.
"O que non se vai poder é mercar un animal novo desas características, un mamífero silvestre de máis de cinco quilos. Agora mesmo está prohibido pero quen o teña na casa ten que comunicalo e en función da especie e de como está o animal poderá seguir téndoo cunhas medidas ou terá que envialo a un zoolóxico".
Os veterinarios cren que a lei vai cumprir os obxectivos. Aseguran que os propietarios de animais de compañía están interesados nas novidades e preocupados polas dúbidas que lles xera.
"Hai confusión porque a lei deixa cousas abertas a un desenvolvemento posterior. E ademais hai que encaixar esta norma coa norma autonómica de benestar animal".
Para máis adiante queda a necesidade de facer un curso e a de contratar un seguro de responsabilidade civil. Só segue sendo obrigatorio para os cans de raza potencialmente perigosa.
