A lei trans segue dividindo o Goberno
A lei trans segue dividindo o Goberno
Irene Montero mostra a súa preocupación polo atraso do prazo para a presentación de emendas
O PSOE asegura que se vai mellorar a lei no trámite parlamentario e Nuñez Feijóo anuncia que a derrogará se chega ao goberno
A lei trans segue tensando as relacións na coalición de Goberno. O atraso na tramitación imposto polos socialistas irrita a Unidas Podemos, e mesmo divide ao PSOE
Irene Montero asegura que os dereitos das persoas trans e da comunidade LGTBI non poden esperar máis tempo. "Imos deixar a pel" asegura a ministra de Igualdade para que a lei estea aprobada antes de que remate o ano.
Un dos aspectos que divide o Goberno é a posibilidade de cambiar de nome e xénero no DNI sen informes médicos ou sen outros requisitos a partir dos catorce anos. A ampliación do prazo para presentar emendas dende o PSOE sinalan que é algo habitual e deixan aberta a porta a posibles modificacións.
Pola súa parte, Yolanda Díaz reclamoulle rapidez ao PSOE para aprobar a Lei e dixo que non pode haber nin un paso atrás. Dende o Partido Popular, Núñez Feijóo definiu esta lei como unha friviolidade e comprometeuse a derrogala se chega ao goberno.
