A Mostra de Teatro de Ribadavia bate marcas de recadación e asistencia
A Mostra de Teatro de Ribadavia bate marcas de recadación e asistencia
Máis de 40.000 euros recadados nas representacións teatrais en Ribadavia
A mostra xa é un referente nas artes escénicas internacionais
Recadaron un total de 40.000 euros e houbo cheo absoluto nas 38 representacións, coloquios e actividades paralelas da Mostra Internacional de Teatro de Ribadavia.
A edición número 40 volveu encher as rúas e espazos da capital do Ribeiro con público e artistas chegados de diferentes países. Na actualidade, é a mostra de referencia en todo o que ten que ver con achegar o teatro a xente.
"Temos un orzamento de só 200.000 euros pero esforzámonos por traer a Galicia as grandes figuras do teatro mundial", asegura Roberto Pascual, director da MIT.
Dende a organización fan unha valoración positiva destes oito días de teatro. Tanto polas frías cifras como por ter achegado o teatro a espazos onde antes non se vía ou polo grao de profesionalidade acadado e a actualización do programa de actividades.
"Buscamos espazos por toda a contorna nos que a xente poida gozar e mesmo participar activamente".
A Mostra toca a súa fin, pero a organización xa está a traballar na programación e os obxectivos da vindeira edición.
