A neve callou no Cebreiro para sorpresa de turistas e peregrinos

Postal de Nadal en pleno mes de abril. A neve do cuco viste de branco a montaña de Lugo. Se a alguén colleu por sorpresa esta neve primaveral foi aos peregrinos, sobre todo aos chegados de máis lonxe.

A neve fixo manto nas cotas máis elevadas, pero non causou incidencias destacadas. Iso si, máis dun tivo que mercar abrigo extra porque non a agardaba, sobre todo tendo en conta a calor da pasada semana.

Unha neve tardía que mañá se transformará en choiva, un fenómeno algo menos celebrado polos camiñantes que esta Semana Santa peregrinan por Galicia.