A neve dificulta a circulación e corta o paso de camións na A-6 de Portela de Valcarce a Pedrafita
A neve dificulta a circulación e corta o paso de camións na A-6 de Portela de Valcarce a Pedrafita
A circulación é irregular en puntos como Pedrafita, en Lugo, ou a Canda, en Ourense
A neve mantén as montañas de Lugo e Ourense en aviso amarelo
Cámaras de tráfico da DXT na A-6
A neve das últimas horas complica a circulación e corta o paso de camións articulados na A-6, dende Portela de Valcarce, na provincia de León, a Pedrafita do Cebreiro, en Lugo.
Segundo informa a Dirección Xeral de Tráfico (DXT), a circulación é irregular dende o quilómetro 418 en Portela de Valcarce ata o 431 en Pedrafita, en sentido crecente da quilometración.
A circulación irregular tamén afecta a A-6 desde o quilómetro 438 en Noceda ao 432 en Pedrafita, sentido decrecente da circulación cara a Madrid.
Por outra parte, na LU-633 a DXT tamén recomendou transitar con precaución desde o quilómetro 0 en Pedrafita ata o 20 en Queixadoiro, en ambos os sentidos.
A provincia de Ourense vese afectada na A-52 desde o quilómetro 112 na Canda ao 117 en Vilavella, en ambos os sentidos.
