Detido o condutor dun camión que septuplicaba a taxa máxima permitida de alcol
Detido o condutor dun camión que septuplicaba a taxa máxima permitida de alcol
Circulaba en sentido Tui pola AP-9 á altura de Ordes cunha condución errática e zigzagueando
O Subsector de Tráfico da Garda Civil da Coruña detivo en Ordes un home que conducía un camión septuplicando a taxa máxima de alcoholemia permitida.
Ocorreu cando o destacamento realizaba un control dinámico de alcol e drogas na autoestrada AP-9 ao seu paso por este concello.
Segundo informa a Benemérita, detectaron un vehículo composto por unha cabeza tractora e un semirremolque que circulaba en sentido Tui cunha condución errática e zigzagueando.
Tras deter o condutor no quilómetro 41, fixéronlle as probas pertinentes e deu unha taxa de 1,01 mg/l en aire expirado nas probas de alcoholemia.
Delito contra a seguridade viaria
Ao superar os 0,60 mg/l e non acreditar residencia en territorio español, a Garda Civil procedeu á detención desta persoa como presunto autor dun delito contra a seguridade viaria, co obxecto de asegurar a súa presenza ante a autoridade xudicial.
O vehículo foi inmobilizado no lugar da detención, a disposición da empresa titular que se fará cargo del. O detido enfróntase a unha pena de 3 a 6 meses de prisión ou de 12 a 24 meses de multa ou traballos en beneficio da comunidade de 31 a 90 días en caso de ser condenado.
