Dous falecidos nunha colisión múltiple en Cartaxena
Dous falecidos nunha colisión múltiple en Cartaxena
Os turismos bateron contra unha narcolancha que se desprendeu dun remolque
A embarcación quedou atravesada no medio da estrada e os coches non puideron evitala
Hai dúas persoas falecidas e seis feridos de distinta consideración
A Garda Civil está a buscar o condutor do coche que levaba a lancha e que fuxiu do lugar
Esta é a imaxe da embarcación que pasadas as nove da noite de onte caeu do seu remolque e quedou atravesada no medio da autovía da Manga, en Cartaxena. A consecuencia do obstáculo, ata oito vehículos vironse implicados nunha colisión en cadea que se saldou con dúas persoas falecidas, duns corenta anos de idade, e seis feridos de distinta consideración que foron evacuados en ambulancia a varios centros hospitalarios.
No primeiro coche que bateu coa lancha viaxaban tres persoas, das que dúas eran as vítimas que faleceron no lugar do sinistro. O resto de turismos non puideron evitar a colisión e varios acabaron envorcando.
A Garda Civil está buscando agora o condutor do coche que transportaba a embarcación e que fuxiu do lugar. Polas características da lancha, os investigadores sospeitan que podería empregarse para o narcotráfico.
