A ocupación hoteleira en Viveiro para a Semana Santa achégase ao 80 %

A Semana Santa de Viveiro marca o inicio da temporada turística nesta vila mariñá. Afecta especialmente ao sector hostaleiro, que para dar servizo ten que aumentar o cadro de persoal.

A ocupación hoteleira en Viveiro achégase ao 80 % a sete días do seu inicio. O seu recoñecemento como festa de interese turístico internacional favoreceu a afluencia de turistas. O comercio tamén aprecia o aumento de visitantes.

Para este ano agárdase que durante os días de celebración pasen por Viveiro unhas 40.000 persoas.