A Policía disolve un macrobotellón en Sevilla

A Policía tivo que intervir esta madrugada para disolver un macrobotellón que se estaba a celebrar en Sevilla.

Foron os veciños os que avisaron ante a cantidade de xente que estaba reunida, bebendo na vía pública. Antes, pedíranlles que abandonasen o lugar pero estes enfrontáronse a eles.

A aparición dos axentes provocou a rápida fuxida das persoas congregadas. Ata seis patrullas foron necesarias para desaloxar a zona.