A Policía Nacional detén unha muller que quixo matar os seus fillos en Mallorca
A Policía Nacional detén unha muller que quixo matar os seus fillos en Mallorca
A muller, de nacionalidade hondureña, deulles medicamentos aos pequenos, que tamén ela tomou sen acadar o seu propósito
A Policía Nacional detivo no Hospital de Son Espases de Palma a unha muller por tentar acabar coa vida dos seus fillos de 14 e 4 anos no seu domicilio de Manacor (Mallorca) tras darlles medicamentos, mentres que ela tomou salfumán para suicidarse, o que non conseguiu.
Afortunadamente non se teme pola vida de ningún deles, que continúan ingresados no centro sanitario de referencia das Illas Baleares.
Ao parecer, a muller, hondureña de nacionalidade, tentou acabar coa vida dos seus fillos na madrugada do domingo, pero unha chamada á policía alertou da situación.
O Grupo de Homicidios fíxose cargo da investigación da tentativa de asasinato e comunicou á muller este domingo que estaba arrestada. A Policía encargouse dos exames toxicolóxicos e este martes está previsto que ofreza información oficial sobre este suceso.
