A portavoz nacional do BNG reúnese coa presidenta do Sinn Fein

A portavoz nacional do BNG reuniuse en Dublín coa presidenta do Sinn Fein. Ana Pontón e Mary Lou McDonald abordaron cuestións do momento político actual.

As dúas coinciden en defender unha saída social e xusta á crise de prezos. Tamén avogaron por antepoñer as persoas aos lobbys económicos e por reforzar os servizos públicos e a protección social.

Segundo dixo Ana Pontón, as dúas concordaron en que son imprescindibles gobernos valentes e liderados por forzas que velan polos intereses da maioría social, como as que elas representan e que aspiran a presidir Galicia e Irlanda.