A renda dos xubilados españois é un 6,4 % máis alta que a mediana europea

A Fundación BBVA e o Instituto Valenciano de Investigacións Económicas compararon nun estudo o que cobramos en España co resto de Europa, e a situación é radicalmente oposta en función da idade. Os maiores de 65 cobran un 6,4% máis que a mediana comunitaria; pero por baixo desa idade, o salario en España é un 7,3% máis baixo.

O informe tamén inclúe outro dato curioso: case o 40% das persoas de 55 a 64, é dicir, nos anos previos á xubilación, nin estudan nin traballan. É máis do dobre que entre os mozos de 25 a 34 anos.