A Reserva Federal dos Estados Unidos decide non subir os tipos de xuro

A Reserva Federal dos Estados Unidos frea a súa agresiva politica monetaria. 

Por primeira vez en quince meses, e despois de dez subas consecutivas, o banco central estadounidense decidiu manter o prezo oficial do diñeiro entre o 5 e o 5,25 %.

A decisión chega despois de detectarse os primeiros sinais de desaceleración na economía e tras os últimos episodios de crises bancarias no país.

Aínda así, os seus voceiros non descartaron seguir subindo os xuros se fose necesario.