A ultradereita pode gañar as eleccións rexionais en Alemaña
A ultradereita pode gañar as eleccións rexionais en Alemaña
Os comicios celébranse nos estados de Turinxia e Saxonia
Europa permanece atenta ao que pase nas eleccións rexionais que se desenvolven este domingo en Turinxia e Saxonia, dous estados do leste de Alemaña nos que a ultradereita pode ser a forza máis votada.
Por primeira vez desde os tempos nazis, un partido coma Alternativa por Alemaña, abertamente xenófobo, euroescéptico e prorruso pode converterse na primeira forza política nun dos dezaseis estados federados alemáns.
Alternativa por Alemaña gañará en Turinxia, pero terá difícil gobernar
As enquisas din que a Alternativa ultradereitista gañará claramente en Turinxia, aínda que o resto das forzas democráticas poderían pactar para impedir que gobernen. A situación é algo mellor no estado de Saxonia, onde a conservadora Unión Cristiá Demócrata disputará o primeiro posto coa ultradereita.
Os colexios electorais estarán abertos en Turinxia e Saxonia ata as seis desta tarde
