A UME traballa para rescatar uns 600 coches atrapados en Soria
A UME traballa para rescatar uns 600 coches atrapados en Soria
Unha capa de neve de dez centímetros na capital soriana obrigou a suspender o transporte urbano e interurbano
A neve caeu de forma continuada dende primeira hora da tarde do venres
A Unidade Militar de Emerxencias (UME) en Zaragoza mobilizouse para rescatar uns seiscentos condutores retidos pola neve en diversas estradas da provincia de Soria, onde se esperan temperaturas de ata -15 graos.
A UME desprazouse para reforzar os servizos de emerxencia no tramo da estrada N-122, que comunica a capital de Soria cun municipio limítrofe coa provincia de Zaragoza, Ágreda.
Os servizos de emerxencia traballan contra reloxo para liberar aos condutores ante a baixada prevista das temperaturas a partir desta próxima madrugada en Soria.
Para estas tarefas, a UME dispuxo para iso numerosos vehículos todo terreo, pas e outros medios materiais, como cintas con ganchos de grande resistencia, para arrastrar cargas.
Na capital de Soria, o caos multiplicouse nas rúas. Unha capa de neve de dez centímetros de espesor obrigou a suspender o transporte urbano e interurbano este venres e o sábado.
En todas aquelas zonas de desnivel obsérvanse coches atravesados e o Concello pediu aos cidadáns que eviten o uso de calquera tipo de vehículo.
Os túneles foron pechados e todas aquelas rúas que se atopan en desnivel foron cortadas, especialmente na zona do Calaverón. Tampouco se pode acceder á ermida de San Saturio, mentres os servizos de limpeza da zona traballan para diminuír a acumulación de neve en puntos estratéxicos como hospitais e residencias, que se converterá en xeo nas próximas horas.
A neve caeu de forma continuada dende primeira hora da tarde do venres, cunha virulencia que fai ineficaz o sal e outro fundentes esparexidos polos servizos de limpeza.
