A unidade Cóndor, os novos gardiáns dos camiños

Voluntarios de Protección Civil de Santiago que van en bicicleta e fan de gardiáns dos camiños. Chámanse unidade Cóndor e atenden todo tipo de emerxencias.

Axudan cando as necesidades son de saúde. Imaxinamos, por exemplo, que atopan a Xosé, un camiñante que parece precisar atención.

Achéganse para comprobalo e, se é así, dan aviso aos servizos de emerxencia sanitarios. Pero, mentres chegan, a unidade Cóndor vai preparada para darlle os primeiros auxilios. Por sorte, nunca tiveron casos graves. 

Van preparados e chegan onde outros non poden, así que son un complemento importante para outros servizos de emerxencias.

E son, ademais, equipos de atención libres de fumes e de ruídos, que promoven hábitos saudables.