Os novos abonos de balde para viaxar en tren xa están á venda
Os novos abonos de balde para viaxar en tren xa están á venda
Unha medida destinada aos usuarios frecuentes dos servizos de proximidade, media distancia e os Avant entre Ourense e A Coruña
Terán validez durante o primeiro cuadrimestre do ano
Aínda non rematou o ano, pero os abonos para o primeiro cuadrimestre de 2024 xa están á venda. Pódense mercar na páxina web de Renfe, no portelo ou nas máquinas expendedoras.
"Eu son de Ourense, pero traballo en Ferrol. Vaime moi ben coller o abono ata Coruña".
"Barcelona-Madrid teñen moita conexión, pero ás veces un aquí queda medio illado e iso facilita moito a vida".
"Teño o abono Ourense-A Coruña e ás veces vou pasar o día, ou a tarde, coma hoxe", sinalan varios pasaxeiros.
Un billete solto, sen abono, entre Ourense e A Coruña ascende a 20 euros, 14 entre Ourense e Santiago.
"Se fago 20 viaxes, multiplicado por 15 euros a viaxe, sae un aforro importante", explica un usuario.
Controis aleatorios
Canda a renovación dos abonos gratuítos, o Goberno lanzou unha advertencia: vanse realizar controis aleatorios para evitar fraudes nas reservas de prazas que finalmente non se ocupan e que deixan outros pasaxeiros sen billete.
O prazo para formalizar a reserva, ou cancelala, muda cos novos abonos, hai que facelo cunha hora como mínimo de antelación.
