A xuíza bloquea a conta de Piqué onde recibe pagos pola Supercopa

A xuíza que investiga o contrato que levou a celebración da Supercopa a Arabia Saudita ordenou bloquear unha conta da empresa Kosmos Football S.L., propiedade do exxogador do Barcelona Gerard Piqué, onde aínda recibe pagos da entidade saudita Sela por supostas "comisións de éxito".

A xuíza estima nun auto "que do desenvolvemento da investigación cabe considerar como legalmente controvertidas as cantidades fixadas en concepto de comisión ou tarifa de éxito a favor da referida entidade na contratación da Supercopa".

A xuíza explica que a medida persegue que a entidade saudita Sela Company Sport continúe "realizando os ingresos que correspondan, como se veu facendo ata o momento", pero impídese que Kosmos Football poida dispoñer das "referidas cantidades" co obxectivo de asegurar eventuais responsabilidades civís no procedemento.

Esta decisión ten lugar a escasos días de que declare no xulgado como investigado Luis Rubiales, que está citado para o 29 de abril no marco desta causa, en que tamén se investigan unhas serie de posibles irregularidades en contratos vinculados na Federación Española de Fútbol cando el estaba á fronte do ente federativo.