Continúa activo o aviso laranxa por temporal costeiro no litoral da Coruña e de Pontevedra
Continúa activo o aviso laranxa por temporal costeiro no litoral da Coruña e de Pontevedra
A Secretaría Xeral do Deporte suspende da actividade deportiva no mar nos municipios afectados polo temporal
Hai aviso amarelo por precipitacións intensas e ventos fortes tamén na montaña de Lugo e Ourense
A Xunta activou desde a tarde deste sábado a alerta laranxa por tormentas costeiras no litoral das provincias da Coruña e Pontevedra.
A Dirección Xeral de Emerxencias e Interior, da Consellería de Presidencia, Xustiza e Deportes, informou da situación a través do Centro Integrado de Atención a Emerxencias 112 Galicia aos municipios das provincias afectadas; deputacións, servizos provinciais e grupos de voluntariado de Protección Civil e clubs náuticos, entre outros. O obxectivo é garantir a seguridade de bens e persoas.
Co gallo de manter a seguridade, a Secretaría Xeral do Deporte comunicou a suspensión da actividade deportiva no mar nos municipios afectados, á vez que informaron á comunidade deportiva da necesidade de revisar o acceso ás instalacións e os sumidoiros.
A Axencia Estatal de Meteoroloxía (Aemet), informa de que o fenómeno meteorolóxico adverso estará activo en todo o litoral coruñés debido a ventos do sur ou suroeste de forza 8 e a mares combinados do suroeste con ondas de ata cinco metros.
O litoral de Pontevedra, en aviso amarelo este sábado, pasa a nivel laranxa a primeira hora da xornada do domingno.
04/01 09:01 #AEMET #FMA nivel naranja por costeros para hoy en Galicia . . Imagen en vigor a las 09:01 (tabla actualizada haciendo CLIC EN LA IMAGEN), o visite https://t.co/aIJV7DDYto https://t.co/VgloJB82iN
— AEMET (@AEMET_Esp) January 4, 2025
O sábado tamén estivo activado o aviso amarelo por precipitacións de ata 40 milímetros en 12 horas no oeste e suroeste da Coruña e refachos de vento de ata 80 quilómetros por hora nestas zonas e no noroeste da Coruña, na Mariña lucense e no interior de Pontevedra
O domingo mantéñense estes avisos de nivel amarelo e, no caso da alerta por choiva, chegará ás zonas das Rías Baixas, o Miño e o interior da provincia de Pontevedra, mentres que o aviso amarelo por vento esténdese ao interior da Coruña e á serra de Ourense.
A Xunta lembra a importancia de manterse afastado do litoral, é dicir, diques, espigóns e paseos marítimos. Pide tamén que se extremen as medidas de seguridade á hora de realizar calquera actividade no mar e que se revisen os cabos e amarres das embarcacións.
Este sábado as temperaturas estiveron en positivo en toda Galicia, segundo informa MeteoGalicia.
Despois de moito tempo🗓️Temperaturas en positivo en toda #Galicia
— MeteoGalicia (@MeteoGalicia) January 4, 2025
🔹1,4ºC en Cabeza de Manzaneda foi a máis baixa.
🔹Chuvia máis probable na franxa atlántica co avance do día e xeneralizada cara á noite🌥️☁️🌧️
⚠️Refachos superiores aos 80 km/h a partir do mediodía.#FelizSabado pic.twitter.com/MSLz1vreHZ
