A Xunta aposta pola formación específica para facilitar o acceso ao emprego

A Xunta aposta pola formación específica para mellorar as opcións de emprego na mocidade e nos parados de máis de 52 anos. O conselleiro de Emprego está a reunirse con representantes da patronal e dos distintos sindicatos, hoxe cos representantes da CIG e Comisións Obreiras, para abordar xuntos os retos para dinamizar a economía galega.

José González destacou que neste momento o proxecto de Altri para Galicia podería xerar emprego industrial e reclamou o apoio do Goberno central: "Hai un proxecto industrial de moita transcendencia para Galicia que está demandando o apoio da administración central do Estado. Imos agardar que fai, se en lugar de criticarnos a nós, fai ese esforzo para apoiar ese tipo de proxectos".