A Xunta lanza un novo bono turístico que se poderá descargar a partir do venres
A Xunta lanza un novo bono turístico que se poderá descargar a partir do venres
A campaña conta xa con máis de 200 establecementos adheridos e terán de prazo ata o 1 de decembro para unirse a ela
O bono estará activo ata o 25 de decembro para empregar nas axencias de viaxes e aloxamentos colaboradores
Ás 9:00 horas do vindeiro venres abrirá o prazo para descargar o novo bono turístico da Xunta, co que se queren promover as viaxes en Galicia e que prevé mobilizar ata 2,5 millóns de euros. Segundo informou o Executivo autonómico, ofertaranse 10.000 abonos en formato QR por un valor de 100 euros. Con cada un destes poderase gozar dun desconto de ata o 40 % en cada compra ata esgotar o saldo do abono. A descarga estará dispoñible en www.bonoturismo.gal e poderán ser beneficiarios todas as persoas maiores de idade residentes en Galicia.
O prazo para que as empresas poidan formar parte desta iniciativa estará aberta ata o 1 de decembro, aínda que xa se conta con máis de 200 establecementos adheridos, entre os que se atopan axencias de viaxes e aloxamentos. Este bono turismo poderá ser empregado ata o 25 de decembro en todas as empresas colaboradoras.
